კვარტეტი "რანინა"

კვარტეტი „რანინა“ 2018 წელს ჩამოყალიბდა, როგორც მუსიკალური ჯგუფი.
იმ დროს არსებობდა იდეა, შექმნილიყო განსხვავებული ტიპის კვარტეტი, რომელიც ქართული ტრადიციული მუსიკის კვალდაკვალ, განვითარების სხვადასხვა ეტაპებზე ასევე შექმნიდა თავის ხელწერასა და ახალ მუსიკალურ კომპოზიციებს, განსხვავებულ საშემსრულებლო სტილს.
შთაგონების წყარო იყო 50-იანი, 60-იანი და 70-იანი წლების მიმდინარეობა იმ დროინდელ საქართველოში, რა დროსაც იქმნებოდა მრავალფეროვანი კვარტეტები (გეპეის კვარტეტი, დიელო, ორერა, 4 გია და სხვა), რომლებიც მსოფლიოს სხვადასხვა მუსიკალურ მიმდინარეობებს აცოცხლებდნენ ქართულ მუსიკაში, რაც დღემდე უბერებელია ქართულ მუსიკალურ სამყაროში.

ასევე შთაგონების წყარო გახდა ამერიკული ბარბეშოპ კვარტეტის (“Barbershop Quartet”) სტილი, რომელიც გარკვეულ ანალოგებს პოულობს ქართულ ქალაქურ სიმღერებთან, იმიტომ რომ ერთიცა და მეორეც, ევროპულ მუსიკალურ ჰარმონიასთანაა დაკავშირებული.
„რანინას“ უკვე გამოცემული აქვს 1 აუდიო ალბომი. ჩატარებული აქვს 1 სოლო კონცერტი, რამდენიმე ათეულ კონცერტსა და სატელევიზიო გადაცემაში მიუღია მონაწილეობა.
2019 წელს „რანინას“ გრანდიოზული ტურნე ჰქონდა გერმანიაში, რომელმაც დიდი წრმატება და პოპულარობა მოუტანა.